Sekretari i Përgjithshëm i Kombeve të Bashkuara, Antonio Guterres, u ka bërë thirrje të gjitha vendeve që të deklarojnë një emergjencë klimatike.

António Guterres i ka bërë këto komente përderisa ishte duke folur në një samit virtual në përvjetorin e pestë të marrëveshjes së klimës në Paris, shkruan BBC, transmeton portal arbresh.info

Ai kritikoi vendet e pasura për shpenzimin e 50% më shumë të parave të tyre të rimëkëmbjes pandemike në lëndët djegëse fosile krahasuar me energjinë me karbon të ulët.

Zogjët po përdorin metodë të re për gjetjen e ushqimit, shkak ndryshimet klimatike

Mbi 70 udhëheqës botërorë do të flasin në takimin e organizuar nga Mbretëria e Bashkuar, Kombet e Bashkuara dhe Franca.

Guterres tha se 38 vende kishin shpallur tashmë një emergjencë klimatike dhe ai u bëri thirrje udhëheqësve në të gjithë botën që të bëjnë të njëjtën gjë.

Ai tha se emergjenca do të mbaronte vetëm kur të arrihej neutraliteti i karbonit. Një numër i emetuesve të mëdhenj, duke përfshirë Australinë, Arabinë Saudite, Rusinë dhe Meksikën, nuk po marrin pjesë, pasi veprimet e tyre klimatike nuk u gjykuan mjaft ambicioze./arbresh.info/